دۇيسەنبىدە «اتاكەنت» ىسكەرلىك ىنتىماقتاستىق ورتالىعى الدىندا الىپ ءتيىن ورناتىلدى. «ءتيىن» ارت نىسانىن جاساپ شىعارعاندار ونىڭ قۇنىن دا ايتىپ بەردى.

Funk كرەاتيۆتى اگەنتتىگىنىڭ باسشىسى مايرا يزمايلوۆانڭ ايتۋىنشا، ءتيىننىڭ قۇنى 23 ميلليون تەڭگەگە شىققان. ونىڭ 15 ميلليونى مەملەكەت قارجىسىنان الىنسا، 8 ميلليوندى اگەنتتىكتىڭ ءوزى شىعارىپتى.

ال بارلىعى 16 ارت-نىسان بولعان كورىنەدى. ءبارىنىڭ باعاسى 78 ميلليون تەڭگەنى قۇرادى.

ءمۇسىننىڭ جالپى بيىكتىگى 12 مەتر. ونى جاساۋ ءۇشىن 7 توننا مەتالل، 3،5-4 توننا اعاش كەتكەن. ساباننىڭ مولشەرى دە سونداي.

نەگىزىنەن ءتيىن «الماتى – جىلى قالا» جوباسى اياسىندا سالىنعان. اۆتورى بريتاندىق تانىمال قوعامدىق پابليك-ارت سۋرەتشى الەكس رينسلەر. جوبا باستاماشىلارىنىڭ پىكىرىنشە، الماتىلىق «ءتيىن» قالانىڭ جاڭا كورىكتى جەرىنە اينالىپ، تۇرعىندار مەن تۋريستەر جينالاتىن ورىن بولادى.